Не көре аласыз?

• Шарм-эль-Шейхте туристер Рас-Мохаммед ұлттық паркіне барады, табиғаты керемет! Маржан рифтеріне жақындап, түрлі-түсті балықтарымен жарыса снорклинг жасайсыз.

Ескі базарларында шығыс тәттілері мен дәмдеуіштердің хош иісіне шыдап тұру қиын.

Әл-Сахаба мешітінің ғаламат сәулеті таң қалдырады.

Теңіз жағалауында серуендеу, дайвинг, квадросафариге бару – Сіз керемет демалысты таңдадыңыз!  

• Хургада қонақтарын қуана қарсы алады, мұндағы яхталар, мейрамханалар мен кешкі жарықшамдар көз тартады. Луксорға баруды да ұмытпаңыз: Хатшепсут храмы, Карнак храмы және Патшалар алқабы сізді ертегілер әлеміне тартады.

Жағажайда демалып, снорклинг үшін Гифтун және Махмайя аралдарына барыңыз - керемет орындар!

Ал бедуиндер ауылына джиппен сапарлайтын болсаңыз, шөл дәстүрін біліп, жергілікті тұрғындардың тұрмыс-салтына тереңнен қанығасыз.

Туристерге берілетін пайдалы кеңес:

• Египетте жыл бойы күн жылы, қыстыгүні барсаңыз да күннен қорғайтын крем алуды ұмытпаңыз.
• Шәй ақысын беру - алғыс білдірудің бір түрі, оны мейрамханаларда, қонақ үйлерде және таксилерде беруіңізге болады.
• Экскурсияға шыққанда гидтің кеңесін тыңдаңыз: діни орындарға барғанда әдеті мен ғұрпына құрметпен қараған дұрыс. Мешіттерде міндетті түрде аяқ киімді шешіп, жабық киім киіңіз(иықтарыңыз бен тізелеріңізді жауып жүргеніңіз дұрыс).
• Базарда саудаласуды мұндағылар жақсы қабылдайды, сондықтан алатын заттың бағасын келісуден ұялмаңыз.
• Мобильді интернетті үнемдеңіз - аэропортта жергілікті SIM-картаны оңай табасыз. Бірден қосып та береді.

Дін
Мысырда ислам(сунниттік бағыт) дінін ұстанады. Тұрғындарын суретке түсіру үшін рұқсат сұраңыз, көпшілік алдында құшақтасу немесе сүйісуден аулақ болыңыз. Мешіттерге барған кезде аяқ киіміңізді шешіп, сәйкесінше киініп барыңыз.

Валюта
Ресми валютасы - Египет фунты (EGP). Бір теңге шамамен 0.10 фунтқа тең, бірақ бағамы өзгеруі мүмкін. Ақшаны банктер мен ресми айырбастау орындарында ауыстыруға болады. Туристік орындарда карталарды да қабылдайды, бірақ базарда және дүкендерде қолма-қол ақша қажет болады.

Виза және елге кіру ережелері
Шарм-эль-Шейхке кіргенде Қазақстан азаматтарының құжатына Синай штампы басылады (15 күнге дейін тегін жүруге рұқсат), онымен тек Синай түбегінде жүре аласыз. Егер Каир немесе Луксорға баратын болсаңыз немесе Хургаданы көргіңіз келсе, виза алуыңыз қажет. Оны әуежайда рәсімдейсіз, Бағасы - 25 доллар, мерзімі - 30 күн.

Мысыр – бұл жарқыраған күн, Қызыл теңіз, перғауындар… Ежелгі өмір қақпасын ашатын жер. Пирамидалары таң қалдырады.

Sunday Airlines сізді «мәңгілік жазға» ыңғайлы жеткізеді - демалысыңыз ұшақтан басталады!